Robert W. Evans

Si Robert Evans ay isang partner ng RWE Family Law at isang abogadong humarap na sa lahat ng antas ng korte sa British Columbia.

Nagpapraktis ng batas si Robert dahil nakatuon siya sa mga prinsipyo ng fundamental justice (pangunahing katarungan) at due process (wastong proseso). Bumubuo siya ng solusyon sa mga problemang legal sa pamamagitan ng maingat na pakikinig sa kanyang mga kliyente, nang hindi nagmamadali sa konklusyon. Nakatuon sa batas pampamilya, layunin ni Robert na makagawa ng positibong pagbabago sa komunidad sa pamamagitan ng pagkatawan sa mga kliyente mula sa lahat ng kultura at antas ng kabuhayan. Naniniwala si Robert na ang legal na representasyon ay pagsisikap na isulong ang inyong legal na posisyon sa pamamagitan ng matibay na payong legal at matatag na pagtataguyod para sa inyo.

Sa komunidad, mula 2020 hanggang 2021, naging miyembro si Robert ng komite ng BC Law Institute para sa modernisasyon ng Batas sa Serbisyo para sa Bata, Pamilya at Komunidad (Child, Family and Community Service Act). Regular ding nagboboluntaryo si Robert sa isang shelter para sa mga biktima ng Vancouver & Lower Mainland Multicultural Family Support Services Society. Bukod sa kanyang paglahok sa komunidad, si Robert ay isang accredited na mediator sa batas pampamilya.

Natanggap si Robert sa bar ng British Columbia noong 2011. Natanggap din si Robert sa bar ng Texas at New York.